00:00:00 IGIHE NETWORK KN KINYARWANDA EN ENGLISH FR FRANCAIS

M23 igiye kugirana ibindi biganiro n’Ingabo za EAC

Yanditswe na Umwali Zhuri
Kuya 30 Ukuboza 2022 saa 09:07
Yasuwe :

Umutwe wa M23 watangaje ko ugiye kugirana ibiganiro n’Ingabo z’Umuryango wa Afurika y’Iburasirazuba, bigamije gushyira mu bikorwa imyanzuro y’inama y’Abakuru b’Ibihugu yabereye i Luanda n’izindi zirimo iy’Abagaba bakuru b’Ingabo bo mu Karere yabereye i Bujumbura.

Ibi biganiro bigiye kuba bikurikira ibindi uyu mutwe wagiranye n’Ingabo za EAC ubwo wemeraga gushyira intwaro hasi ukava mu gace ka Kibumba mu Cyumweru gishize.

Biteganyijwe ku wa Gatandatu tariki 31 Ukuboza 2022.

Itangazo rya M23 rivuga ko nyuma yo gutangira urugendo rwo kubahiriza imyanzuro y’Inama ya Luanda, Ingabo za Leta ya RDC zishyize hamwe n’indi mitwe irimo FDLR, APCLS, PARECO, NYATURA, CODECO na Mai Mai, zigatangira kugaba ibitero ku birindiro by’uyu mutwe.

M23 ikomeza igira iti "Ku wa Gatatu tariki 28 Ukuboza 2022, ihuriro ry’imitwe yishyize hamwe na Guverinoma, ryakoresheje intwaro ziremereye n’indege y’intambara ya Sukhoi mu kugaba ibitero ku baturage bavuye mu byabo bari mu bice tugenzura."

Uyu mutwe washinje Guverinoma ya RDC kurenga ku myanzuro y’Inama y’Abakuru b’Ibihugu yafatiwe i Luanda, mu gihe wo uri kubahiriza ibyasabwe n’umuryango mpuzamahanga.

Mu gihe Guverinoma ya Congo yakomeza kugaba ibitero kuri M23, uyu mutwe wavuze ko utazakomeza "kurebera abaturage b’inzirakarengane bicwa" mu bice ugenzura, nk’uko byagenze ku biciwe mu duce twa Ituri n’ahandi muri Kivu y’Amajyaruguru n’iy’Amajyepfo, bikozwe n’imitwe yunze ubumwe ku ngabo za Leta, ahubwo ngo uzarengera abo baturage.

Umutwe wa M23 watangaje ko uteganya kugirana ibiganiro n'Ingabo za EAC bigamije kureba ishyirwa mu bikorwa ry'imyanzuro y'Inama ya Luanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .