Ibyaha byose aba barwanyi bashinjwa ni ukurenga ku mabwiriza, gutoroka igisirikare, guhunga umwanzi, guta intwaro z’intambara, ubujura no kugerageza gufata ku ngufu.

Ni ibyaha bashinjwa gukora mu gihe bari bahanganiye n’abarwanyi ba M23 mu bice bitandukanye byo muri Lubero mu Ukuboza 2024, bigereranywa no kugambanira RDC.

Kuva muri Werurwe 2024, abasirikare ba RDC bashinjwe guhunga umutwe wa M23 bahamijwe ibyaha, bakatirwa igihano cy’urupfu. Byitezwe ko ari cyo ubushinjacyaha bwa gisirikare bubasabira.

Imiryango mpuzamahanga yo yamaganye isubizwaho ry’iki gihano muri RDC, isobanura ko kirenga ku burenganzira bw’ikiremwamuntu bumwemerera kubaho.

Leta ya RDC yo yasobanuye ko intambara yo kurwanya umutwe wa M23 n’ibyaha byiyongereye mu mijyi ari byo byatumye iki gihano gisubizwaho, igaragaza ko nibirangira, izagikuraho.

Uru rubanza rwabereye mu rukiko rwa gisirikare rwa Butembo muri Lubero

Abasirikare 23 ni bo bari kuburanishwa muri uru rukiko