Loni yiyemeje ko kugeza mu 2022 izaba yakuye ingabo zayo muri RDC

Yanditswe na Eric Tony Ukurikiyimfura
Kuya 9 Ugushyingo 2019 saa 04:45
Yasuwe :
0 0

Umuryango w’abibumbye, Loni, watangaje ko kugeza mu 2022 uzaba wamaze gucyura ingabo zawo ziri mu butumwa bw’amahoro muri Repubulika Iharanira Demokarasi ya Congo (Monusco).

Ingabo za Monusco zigera ku bihumbi 16, zimaze imyaka isaga 20 zifite ubutumwa bwo kubungabunga amahoro muri iki gihugu, aho buri mwaka zikoresha ingengo y’imari isaga miliyari imwe y’amadolari ya Amerika mu gihe manda yayo izarangira tariki ya 31 Ukuboza.

Umwanzuro wafashwe n’akanama k’umutekano ka Loni muri iki cyumweru ni uko yihaye byibuze imyaka itatu, kugeza mu 2022, ikaba yamaze gukura ingabo zayo zose muri RDC.

Loni yavuze ko kugenda kwayo nyuma y’imyaka 22, bizashimangira “ ivugurura risesuye’’ riherutse gutangazwa na Perezida w’iki gihugu (RDC), Félix Tshisekedi, mu bijyanye n’ubunyamwuga bw’igisirikare no guhashya inyeshyamba zitwaza intwaro.

Ingabo za MONUSCO zimaze imyaka 20 muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza