Lesotho: Umugore wa Minisitiri w’intebe ukekwaho kwicisha mukeba we yarekuwe by’agateganyo

Yanditswe na Iradukunda Serge
Kuya 10 Gashyantare 2020 saa 09:46
Yasuwe :
0 0

Maesaiah Thabane, umugore wa Minisitiri w’Intebe wa Lesotho, Thomas Thabane ukekwaho kugira uruhare mu rupfu rw’uwahoze ari umugore w’umugabo we wishwe arashwe mu 2017, yarekewu n’urukiko by’agatenyo kubera impamvu z’uburwayi.

Mu minsi ishize nibwo Maesaiah Thabane yishyikirije polisi yo muri Lesotho ngo abazwe ku bijyanye n’iki cyaha akekwaho cyo kugira uruhare mu rupfu rwa Lipolelo Thabane.

Nyuma yo kwishyikiriza polisi yahise afungwa ndetse bikaba byari biteganyijwe ko azaburanishwa kuwa 18 Gashyantare.

Umunyamategeko wa Maesaiah witwa Rethabile Setlojoane, yavuze ko umukiliya we azajya kwivuza muri Afurika y’Epfo mbere y’uko aburana anongeraho ko impungenge zifitwe na polisi ko ashobora gutoroka ntaho zishingiye.

Yagize ati “Umukiliya wanjye yemerewe kurekurwa, aracyari umwere kugeza ahamijwe icyaha n’urukiko, nta mpungege z’uko yatoroka”.

N’ubwo uyu munyamategeko avuga ibi, umuyobozi wungirije wa polisi muri iki gihugu Paseka Mokete yabwiye Reuters ko bafite impungenge z’uko Maesaiah ashobora gutoroka kuko yari yabanje no kwihisha polisi ubwo yamushakaga ngo imubaze bwa mbere.

Makote yongeyeho ko biteguye gukorana na polisi ya Afurika y’Epfo mu gihe Maesaiah yaba ashatse gutoroka ubutabera.

Maesaiah Thabane yarekuwe by'agateganyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .