Kenya yafatiriye imitungo y’abakekwaho gutera inkunga Al-Shabab

Yanditswe na Bukuru JC
Kuya 3 Nzeri 2020 saa 07:21
Yasuwe :
0 0

Guverinoma ya Kenya yafatiriye imitungo y’abantu icyenda ishinja gutera inkunga umutwe w’iterabwoba wa al-Shabab.

Minisitiri w’Umutekano yavuze ko uwo mwanzuro ugamije gukaza imbaraga zo guhangana n’ibikorwa by’iterabwoba ku butaka bw’icyo gihugu.

Minisitiri Fred Matiang’i yavuze ko imitungo yafashwe ari iy’abanyakenya. Yavuze ko kuyifatira bizahagarika abagifite umutima wo gutera inkunga imitwe y’iterabwoba bari ku butaka bwa Kenya.

Perezida Uhuru Kenyatta aherutse kuvuga ko icyorezo cya coronavirus cyahaye urwaho ibikorwa by’iterabwoba, kigashyira mu kaga imibereho y’impunzi ndetse n’icuruzwa ry’intwaro mu buryo butemewe n’amategeko mu gace k’ihembe rya Afurika rikiyongera.

Kenya ni kimwe mu bihugu bya Afurika byakunze kwibasirwa n’ibitero bya al-Shabab nyuma y’aho yoherereje ingabo kurwanya uwo mutwe muri Somalia guhera mu 2011.

Al Shabab imaze igihe igaba ibitero by'iterabwoba ku bihugu bitandukanye birimo na Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .