00:00:00 IGIHE NETWORK KN KINYARWANDA EN ENGLISH FR FRANCAIS

Kenya yashinjwe kubeshya umubare w’abishwe na Covid-19, iwugabanyaho ibihumbi 20

Yanditswe na IGIHE
Kuya 11 May 2022 saa 11:56
Yasuwe :

Ishami ry’Umuryango w’Abibumbye ryita ku Buzima, OMS, ryatangaje ko Kenya yabeshye imibare y’abishwe na Covid-19, iwugabanyaho ibihumbi 20 mu mwaka ushize.

Mu 2021, Kenya yagize umubare munini w’impfu zatewe na COVID-19, aho nibura mu bantu 100.000, iki cyorezo cyicaga 45. Bisobanuye ko nibura abantu 24.471 bahitanywe nacyo.

Minisiteri y’Ubuzima muri Kenya yo yatangaje ko kugeza mu mpera z’umwaka ushize, abari bamaze guhitanwa na COVID-19 bari 5,381, mu mwaka wabanje [2020] bari 1.681, bisobanuye ko mu 2021 bageraga kuri 3.700.

The Nation yo muri Kenya yanditse ko imibare ya OMS yo yerekana ko umubare w’abahitanwe na COVID-19 mu 2021 wari 24.471, bisobanuye ko hari impfu zigera kuri 20.771 zitatangajwe.

OMS kandi yatangaje ko miliyoni 15 bishwe na Covid-19 ku Isi mu gihe abagera kuri miliyoni 5,4 ari bo bivugwa ko bahitanywe n’iyi ndwara mu myaka ibiri.

Muri Kenya kuva Covid-19 yagaragara, imaze guhitana 5,649 mu gihe abayanduye barenga ibihumbi 324.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .