00:00:00 IGIHE NETWORK KN KINYARWANDA EN ENGLISH FR FRANCAIS

Kenya: William Ruto ari imbere mu majwi amaze kubarurwa

Yanditswe na Umwali Zhuri
Kuya 10 August 2022 saa 07:24
Yasuwe :

Mu matora y’Umukuru w’Igihugu muri Kenya, William Ruto wari umaze imyaka 10 ari Visi Perezida, ari imbere mu majwi amaze kubarurwa, aho akurikiwe na Raila Odinga bahanganye.

Amatora y’Umukuru w’Igihugu muri Kenya yabaye ku wa Kabiri, guhera saa kumi n’ebyiri za mu gitondo kugera saa kumi n’imwe z’umugoroba ku isaha y’i Nairobi.

Amajwi amaze kubarurwa ni miliyoni 1,3 muri miliyoni 22 z’abiyandikishije kuri lisiti y’itora. Abakozi ba Komisiyo y’Amatora baraye ijoro, babarura ijwi rimwe ku rindi ku buryo hamwe na hamwe bifashishaga amatara ya petelori.

Ruto ari imbere n’amajwi 50,83% bingana n’abantu 681.740 mu gihe Raila Odinga
afite 48,54% bingana n’abantu 651.106 bamutoye.

Abandi bakandida babiri birasa n’aho bo bamaze kwanikirwa bikomeye kuko nka George Wajackoyah afite 0,42% bingana n’abantu 5.608 mu gihe David Waihiga afite 0,21% bingana na 2.857.

Ibyifuzo by’Abanya-Kenya ni uko aya matora yaba mu mahoro, utsinzwe akaza kwemera ko yatsinzwe kugira ngo hataba imvururu nk’izabaye mu yandi matora aheruka.

Kugira ngo umuntu atorerwe umwanya w’Umukuru w’Igihugu ni uko aba afite nibura amajwi 50% wongeyeho ijwi rimwe. Iyo ntawe uyagejeje, haba icyiciro cya kabiri.

Ruto na Odinga ni bo byitezwe ko bavamo umwe uyobora Kenya mu myaka itanu iri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .