Kenya: Urukingo rwa Coronavirus ruzatangira gutangwa muri Mutarama

Yanditswe na Umwali Zhuri
Kuya 17 Ukuboza 2020 saa 06:20
Yasuwe :
0 0

Kenya irateganya kwakira urukingo rwa Covid-19 muri Mutarama umwaka utaha aho abantu bafite ibyago byo kwandura kurusha abandi aribo bazaherwaho mu gukingirwa.

Abakora mu nzego z’ubuzima, abapolisi, abageze mu zabukuru n’abarimu nibo bazahabwa mbere y’abandi uru rukingo. Urwakozwe na Kaminuza ya Oxford rwa AstraZeneca nirwo iki gihugu cyahisemo gukoresha.

Minisiteri y’Ubuzima muri Kenya yatangaje ko muri ibyo byiciro, abantu bakunda kujya aho bahurira n’abantu benshi aribo bazaherwaho mu gukingirwa.

Byitezwe ko mu cyiciro cya mbere, hazatangwa inkingo zigenewe abaturage 20% b’igihugu.

Minisitiri w’Ubuzima, Mutahi Kagwe, yavuze ko Kenya yamaze gutumiza dose miliyoni 24 z’inkingo.

Urukingo rwa AstraZeneca nirwo ruhendutse mu nkingo zose ziri kugeragezwa. Dose imwe igura amdolari ane, ni hafi 4000 Frw. Ni rwo rwonyine urebye rufite amabwiriza ashobora korohera abantu mu buryo bwo kurutwara no kurubika.

Rwo rushobora kubikwa mu bubiko busanzwe ahantu hari ubukonje ushobora no kubona muri firigo zikoreshwa mu buzima bwa buri munsi.

Urukingo rwa AstraZeneca nirwo ruhendutse mu nkingo zose ziri kugeragezwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .