Kenya: Umuyobozi mukuru wa Polisi na Minisitiri w’umutekano bajyanywe mu nkiko

Yanditswe na Mukahirwa Diane
Kuya 25 Nzeri 2020 saa 12:41
Yasuwe :
0 0

Imiryango ishinzwe kurengera uburenganzira bwa muntu muri Kenya, yareze mu nkiko Umuyobozi mukuru wa Polisi, Minisitiri w’umutekano n’Intumwa Nkuru ya Leta muri icyo gihugu, ibashinja kuba barananiwe kuyobora ingamba zigena amasaha ntaregwa yo gutaha kubera COVID-19, bikaba byarateje imvururu zaviriyemo bamwe kuhasiga ubuzima.

Iyi miryango yatanze ikirego ni Amnesty International Kenya, International Justice Mission Kenya, Haki Africa na Kituo cha Sheria.

Muri iki kirego iyi miryango ishinzwe kurengera uburenganzira bwa muntu, irasaba ko hatangwa impozamarira ku miryango y’abantu batanu bapfuye biturutse ku mbaraga z’umurengera zakoreshejwe na Polisi ya Kenya, mu gihe yabaga igenzura uko amasaha ntarengwa yo gutaha yubahirizwa.

Izi mpozamarira zirasabirwa umuryango wa Joseph Simiyu, Judith Simiyu, Daniel Waithugi Nga’nga, Jacktone Ouma Ochilo ndetse n’umwana w’imyaka 13 Yassin Moyo. Bose bishwe na polisi.

Iyi miryango irasaba ko hatangwa indishyi irenga gato miliyoni 4.4Frw ($4600).

Gushyiraho amasaha ntarengwa ni bumwe mu buryo bwagiye bwifashishwa n’ibihugu bitandukanye mu kwirinda ko Covid-19 yakomeza gukwirakwira, gusa muri Kenya ubwo Polisi yagendaga igenzura uko byubahirizwa, hari aho yahutazaga abaturage ndetse bamwe bakabigwamo.

Abanyakenya bamaganye ubu bwicanyi bwakozwe na polisi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .