00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Umurambo w’umusore waryamanaga n’abo bahuje igitsina wasanzwe mu muhanda

Yanditswe na Jean Paul Rutagengwa
Kuya 6 Mutarama 2023 saa 02:53
Yasuwe :

Inzego zishinzwe umutekano muri Kenya zemeje ko umurambo wagaragaye ku muhanda wa Kipenyo-Katinga mu gace ka Uasin Gishu, ari uw’umusore w’umunyamideri witwa Edwin Chiloba, wamenyekanye muri iki gihugu nk’umwe mu baryamana n’abo bahuje igitsina.

Amakuru dukesha Nation avuga ko urupfu rw’uyu musore rwamenyekanye ubwo imodoka itazwi yacaga muri aka gace ka Kipenyo igata mu muhanda isanduku ikozwe mu cyuma.

Inzego z’umutekano zahise zihagera zisanga iyi sanduku irimo umurambo watangiye no kwangirika. Isuzuma ryakozwe niryo ryerekanye ko uyu murambo ari uwa Edwin Chiloba.

Chiloba yamamaye cyane mu mihanda yo mu gace ka Eldoret nyuma y’uko yakundaga kugaragara yambaye imyenda y’abagore,ndetse akanifotoza amafoto akayakwirakwiza ku mbuga nkoranyambaga.

Chiloba yitabye Imana nyuma y’uko mu mezi ane ashize n’ubundi yari yatezwe n’abagizi ba nabi ariko akabasha kurokoka.

Umurambo wa Edwin Chiloba waryamanaga n’abo bahuje igitsina wasanzwe mu muhanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .