00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Ruto yigambye kuba ariwe watumye Kenyatta aba Perezida

Yanditswe na IGIHE
Kuya 5 July 2022 saa 07:25
Yasuwe :

Visi Perezida wa Kenya, William Ruto yavuze ko yagize uruhare rukomeye mu kugira ngo Uhuru Kenyatta yegukane intsinzi yo kuyobora iki gihugu.

Ibi Ruto yabigarutseho ubwo yari mu bikorwa byo kwiyamamaza byabereye mu Mujyi wa Meru.

Ruto yabwiye aba ari aho ko mu 2017 ubwo Urukiko rw’Ikirenga rwatangazaga ko amatora y’Umukuru w’Igihugu agomba gusubirwamo, Uhuru Kenyatta yari yacitse intege ku buryo atashakaga kongera guhatana.

Yakomeje avuga ko uyu mwanzuro wa Kenyatta wari gutuma Raila Odinga yegukana ubutegetsi.

Ati “Hari abantu bari guhanahana amajwi mvuga ko ari njye wahatiye Uhuru kongera kwiyamamaza, mureke mbabwire ntabwo bazi uko twatumye Uhuru Kenyatta aba Perezida. Nitwe twakoze cyane kugira ngo dutsinde.”

Ruto aherutse gutangaza ko ubwo Perezida Kenyatta yangaga kongera kwiyamamaza yabuze icyo akora ku buryo yumvise yanamukubita urushyi.

Ati “Naramurebye ndamubwira nti ‘wowe!’ n’uko gusa narimufitiye icyubahiro ubundi nari kumukubita urushyi. Ni gute twashoboraga kuva mu bintu twatangiye.”

William Ruto na Perezida Kenyatta bamaze igihe badacana uwaka, biturutse ahanini ku kuba Ruto ashinja uyu mugabo kuba yaranze kumushyigikira mu rugendo rwo kwiyamamariza kuba Perezida ahubwo agashyigikira Raila Odinga batacanaga uwaka.

Ruto yigambye kuba ariwe watumye Kenyatta aba Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .