Kenya: Miliyoni 400$ yari agenewe guhangana na Covid-19 yaburiwe irengero

Yanditswe na Dufitumukiza Salathiel
Kuya 19 Kanama 2020 saa 12:05
Yasuwe :
0 0

Minisiteri y’Ubuzima muri Kenya yahakanye ibirego byo kunyereza inkunga yari igenewe kurwanya Coronavirus, ivuga ko ishobora kwerekana uburyo yakoreshejemo umutungo yagenewe.

Iperereza ry’imwe muri televiziyo zo muri Kenya, rigaragaza ko hari miliyoni 400$ z’inkunga yagenewe guhangana n’icyorezo cya Coronavirus zanyerejwe.

Irigiswa ry’iyi nkunga, ngo ni yo ntandaro yo kwigumura kwa bamwe mu bakora mu nzego z’ubuzima, bavuga ko nta bikoresho bihagije bafite, birimo udupfukamunwa n’imyambaro y’akazi ibarinda.

Amakuru avuga ko hari abanyapolike n’inzego nkuru za Leta zifite aho zihuriye n’iki kibazo. Iperereza rivuga ko hari ibigo bya bamwe mu banyapolitike bakomeye byahawe amasezerano yo gutanga ibikoresho byo kurinda Coronavirus, mu gihe byari bimaze igihe gito bishinzwe.

Bivugwa kandi ko hari ibigo byahagaritse gutanga ibi bikoresho kandi byari byarahawe amafaranga.

Minisitiri w’Ubuzima muri Kenya, Mutahi Kagwe, yavuze ko aya makuru ari amahimbano. Imbere y’Inteko Ishinga Amategeko yavuze ko Minisiteri ayoboye yakiriye amafaranga miliyoni 200$ kandi ko ishobora gusobanura icyo buri faranga ryakoreshejwe. Ni mu gihe amakuru avuga ko ayarimanganyijwe akubye ayo inshuro ebyiri.

Iperereza kandi rivuga ko amafaranga y’inkunga yatanzwe na Jack Ma, yarimanganyirijwe mu maboko y’inzego nkuru za Leta, zikaza kongera kuyagurisha kuri Leta ku giciro kiri hejuru.

Minisitiri w’Ubuzima muri Kenya, Mutahi Kagwe, yamaganye amakuru yavugaga ko hari amafaranga yari agenewe kurwanya Coronavirus yanyerejwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .