Kenya: Impungenge ni zose nyuma y’uko abanduye Covid-19 mu Ugushyingo barenze ibihumbi 28

Yanditswe na IGIHE
Kuya 30 Ugushyingo 2020 saa 12:11
Yasuwe :
0 0

Minisitiri w’Ubuzima muri Kenya yatangaje ko Ugushyingo ari ukwezi k’umwijima kubera umubare munini w’abantu bakwanduyemo icyorezo cya Covid-19, ndetse anagaragaza impungenge ko bashobora gukomeza kwiyongera.

Kugeza muri Kenya abamaze kwandura Covid-19 babarirwa muri 83 316 mu gihe abo imaze guhitana barenga 1500.

Mu ijambo Minisitiri w’Ubuzima muri iki gihugu, Mutahi Kagwe, yavuze ku Cyumweru, yemeje ko ukwezi k’Ugushyingo kwabaye uk’umwijima kuko kwanduyemo abarenga ibihumbi 28 mu gihe abapfuye ari 456.

Kuva icyorezo cya Covid-19 cyagera muri Kenya ni ubwa mbere mu kwezi kumwe habonetse umubare munini w’abandura n’abicwa na Covid-19.

Uretse kuba iyi mibare ikomeje kwiyongera, inzego z’ubuzima muri iki gihugu zigaragaza impungenge z’uko ibintu bishobora kurushaho kumera nabi cyane ko bagiye kwinjira mu minsi mikuru isoza umwaka.

Ubukana bwa Covid-19 muri Kenya bwatumye bamwe mu baganga n’abaforomo bategura imyigaragambyo, bitewe nuko bashinja Leta gushyira ubuzima bwabo mu kaga, aho bavura nta bikoresho by’ibanze bibarinda bafite.

Umubare w’abandura Covid-19 muri Kenya watangiye kwiyongera nyuma y’uko iki gihugu gitangiye gukomorera ibikorwa bimwe na bimwe, nyuma y’igihe cyari kimaze kiri muri Guma mu rugo.

Minisitiri Kagwe Mutahi yavuze ko ari ubwa mbere Kenya ibonye umubare munini w'abandura Covid-19 mu kwezi kumwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .