Kenya igiye kwiga uko amaraso y’abamaze gukira Coronavirus yakoreshwa mu kuvura abanduye

Yanditswe na Bukuru JC
Kuya 20 Kanama 2020 saa 01:03
Yasuwe :
0 0

Guverinoma ya Kenya irimo gutegura inyigo izatuma inzobere mu buzima ziga uko hakoreshwa igice cy’amaraso cyitwa ‘Plasma’ mu kuvura abarwayi ba Coronavirus.

Plasma ni igice cy’amaraso kigizwe n’amazi ari nacyo gitwara abasirikare barwanya indwara. Iki gice kigira ubudahangarwa uwakize Coronavirus asigarana nyuma y’uko amaze gukira iyo ndwara.

Igerageza ry’ibanze ryerekanye ko Plasma z’umuntu wakize Coronavirus zibamo abasirikare umubiri we wubatse, ku buryo kubatera mu murwayi urembye bishobora kumufasha.

Muri iyi nyigo izakorwa na Kenya, inzobere zizareba niba iyi plasma itakoreshwa nk’umuti ku barembejwe na Coronavirus.

Kenya itekereje gukora iyi nyigo nyuma y’uko kuri uyu wa Gatatu abantu 19 bishwe na Coronavirus mu munsi umwe, bituma abamaze gupfa bagera kuri 506. Abamaze kwandura Coronavirus ni 31, 015, abamaze gukira ni 17, 612.

Kenya igiye gusuzuma niba Plasma yakoreshwa mu kuvura Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .