Kenya: Abashinwa bitabye urukiko bambaye imyenda y’abavura COVID-19, urubanza ruhita rusubikwa

Yanditswe na Iradukunda Serge
Kuya 14 Kanama 2020 saa 03:44
Yasuwe :
0 0

Muri Kenya, Abashinwa batatu bitabye urukiko bambaye imyambaro imenyerewe ku baganga bari mu bikorwa byo kuvura indwara z’ibyorezo zirimo na COVID-19 izwi nka ‘PPE’ ku buryo abantu bagize ngo hari nk’umurwayi ugiye kujyanwa kwa muganga.

Ibi byabereye mu rukiko rw’i Mombasa aho aba Bashinwa bari bahamagajwe ngo bisobanure ku byaha bya ruswa bakekwaho.

Bashinjwa ko batanze ruswa ku mugenzacyaha wakoraga iperereza ku makosa yagaragaye mu itangwa ry’amatike ya gari ya moshi aha muri Kenya.

Ubwo ngo bari bakinjira mu rukiko abari aho bacitsemo igikuba ndetse bamwe batangira guhaguruka bibwira ko ari inzego z’ubuzima zije gufata uwaketsweho COVID-19.

Ibi byatumye umucamanza nawe afata umwanzuro wo gusubika urubanza kuko bamwe mu bakozi b’urukiko nabo bari bamaze guhungabana.

Iyi mbyambaro y'aba Bashinwa yatumye umucamanza asubika urubanza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .