Kenya: Abashinwa 400 bagiye gusubira iwabo kubera ubwoba bwa Coronavirus

Yanditswe na Bukuru JC
Kuya 13 Kamena 2020 saa 11:37
Yasuwe :
0 0

Abashinwa 400 bagiye kuvanwa muri Kenya kubera ubwoba bw’uko iki gihugu kidafite ubushobozi bwo guhangana na Coronavirus mu gihe ikomeje gukwirakwira ku muvuduko udasanzwe.

Urukiko Rukuru rwa Nairobi rwategetse Leta kwemerera aba Bashinwa kuva muri Kenya kuwa 16 Kamena 2020, ni nyuma y’uko basabye ko bagenda kuko inzego z’ubuzima nta bushobozi zifite zo guhangana na Coronavirus.

Umucamanza Weldon Korir, yafashe icyemezo nyuma y’uko abo Bashinwa basabye uruhushya rudasanzwe rwo gukora ingendo zibavana muri Kenya bagasubira iwabo.

Umunyamategeko w’aba Bashinwa, Isaac Okinyo, yavuze ko buri kimwe kiri ku murongo kandi abakiriya be bategereje ko Minisiteri y’Ububanyi n’amahanga yemeza ko basubira iwabo.

Bavuga ko bafite amahirwe yo kuba bavurwa neza igihe baba bari mu Bushinwa, kuko Kenya idafite ibikorwa remezo by’ubuzima ndetse n’ibikoresho byo kwita ku barwayi ba Coronavirus.

Okinyo yagize ati “Ahantu hose hashyirwa abari mu kato haruzuye, gupima no gutahura abahuye n’abanduye ni ikibazo kuri Guverinoma ya Kenya. Mubareke basubire iwabo uko babyifuza”.

Iri tsinda ry’Abashinwa ryabaga i Nairobi, biteganyijwe rizaba riyobowe na Ambasaderi w’iki gihugu muri Kenya, Wu Peng, wahamagajwe n’igihugu cye.

Abashinwa 400 bategereje uruhushya rwa Minisiteri y'Ububanyi n'amahanga ya Kenya ngo basubire iwabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .