00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Abantu 250.000 bapfuye basanzwe ku rutonde rw’abazatora

Yanditswe na IGIHE
Kuya 9 June 2022 saa 02:55
Yasuwe :

Komisiyo y’Igihugu y’Amatora muri Kenya yatangaje ko igenzura rikomeje rimaze kubona amazina y’abantu hafi 250.000 bapfuye bakaba barashyizwe ku rutonde rw’abazatora.

Abandi bantu hafi 500.000 basanze banditsweho amakarita abiri y’itora mu gihe abarenga 226.000 bo biyandikishije bakoresheje ibyangombwa bibaranga bitari ibyabo.

BBC yanditse ko amakuru ikesha Komisiyo y’Amatora ari uko muri rusange ibibazo mu rutonde rw’abaturage batora biri ku bantu barenga miliyoni imwe.

Umuyobozi wa Komisiyo y’Igihugu y’Amatora muri Kenya, Wafula Chebukati, yavuze ko ibimaze kuboneka muri iri genzura bishobora gutinza itangazwa ry’urutonde rwa nyuma rw’abantu bazatora.

Mbere, iyi komisiyo yari yavuze ko urutonde rw’abazatora ruzatangazwa ku wa 9 Kamena ariko ubu byashyizwe tariki 20 Kamena uyu mwaka kugira ngo ibi bibazo bimaze kuboneka bibanze gukemurwa.

Ibibazo mu matora ya Kenya mbere byatumye haba imidugararo ikomeye yiciwemo abantu.

Amatora y’uyu mwaka ateganyijwe tariki 9 Kanama uyu mwaka. Abakandida bane, bose b’abagabo, ni bo bamaze kwemererwa guhatana. Abo ni David Mwaure, George Wajackoyah, Raila Odinga na William Ruto.

Abantu 250.000 bapfuye basanzwe ku rutonde rw’abazatora Umukuru w'Igihugu muri Kenya. Iyi foto yafashwe mu 2013 ubwo abantu b'i Kisumu biteguraga kujya gutora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .