Kenya: Abanduye Coronavirus biyongereyeho 375 mu munsi umwe

Yanditswe na Bukuru JC
Kuya 25 Nyakanga 2020 saa 04:30
Yasuwe :
0 0

Umubare w’abanduye Coronavirus muri Kenya kuri uyu wa Gatandatu wageze ku 16,643 nyuma yo kwiyongeraho abandi 375 babonetse mu bipimo 2,052.

Kugeza kuri uyu wa 25 Nyakanga 2020, Kenya imaze gupima Coronavirus abantu 268,154.

Umuyobozi mukuru muri Minisiteri y’Ubuzima muri Kenya, Dr. Rashid Aman, yatangaje ko uyu munsi abarwayi 128 bakize bagasezererwa mu bitaro ndetse n’aho bavurirwaga mu rugo, bikaba byatumye abamaze gukira bagera ku 7,574.

Yatangaje ko mu bakize bose harimo 74 bavuriwe mu ngo zabo. Ni mu gihe umubare w’abamaze kwicwa na Coronavirus wiyongereyeho bane ukagera kuri 278.

Mu banduye 375 harimo abanyakenya 351 n’abanyamahanga 24. Ni mu gihe umutoya muri bo afite amezi atanu naho umukuru afite imyaka 90. Abagera kuri 229 ni abagabo naho 146 ni abagore.

Nairobi niyo ikomeje kugira umubare munini w’ubwandu aho kuri uyu munsi handuye 240, Kajiado ni 36, Kiambu ni 31, Migori ni 16, Machakos ni 15 naho Nakuru ni 14.

Umuyobozi mukuru muri Minisiteri y’Ubuzima muri Kenya, Dr. Rashid Aman yatangaje ko kuri uyu wa Gatandatu handuye abantu 375

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .