Kenya: Abamaze kwicwa na COVID-19 bageze ku 1,013

Yanditswe na IGIHE
Kuya 1 Ugushyingo 2020 saa 05:58
Yasuwe :
0 0

Minisiteri y’Ubuzima muri Kenya yatangaje ko abamaze kwicwa n’icyorezo cya COVID-19 bageze ku bantu 1013, nyuma y’uko 17 bapfuye mu masaha 24 ashize.

Minisitiri w’Ubuzima Mutahi Kagwe kuri iki Cyumweru yatangaje ko ubwandu bukomeje kwiyongera, aho mu bipimo 4,433 byafashwe, hasanzwemo abantu 685 bafite ubwandu bushya, bituma abanduye bose hamwe baba 55,877.

Mu masaha 24 ashize kandi hakize abantu 231, bituma umubare w’abamaze gukira ugera ku 37,194. Mu bakize batangajwe kuri iki Cyumweru, harimo 130 bavurirwaga mu ngo na 101 bari mu mavuriro asanzwe.

Abakirwaye barimo kuvurirwa mu bitaro ni abantu 1,271 naho 4,806 bari kwitabwaho bari mu ngo zabo. Mu bari mu bitaro, harimo abantu 53 bari mu byumba byagenewe indembe barimo kongererwa umwuka.

Iki cyorezo cyatangajwe bwa mbere muri Kenya ku wa 13 Werurwe 2020. Kugeza kuri iki Cyumweru hamaze gufatwa ibipimo 699,520.

Minisitiri w'Ubuzima Mutahi Kagwe atangaza imibare mishya ya COVID-19 muri Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .