Kenya: Abaganga bishwe na COVID-19 bageze kuri 31

Yanditswe na IGIHE
Kuya 15 Ugushyingo 2020 saa 01:46
Yasuwe :
0 0

Umubare w’abakora mu nzego z’ubuzima bahitanwa n’icyorezo cya COVID-19 muri Kenya ukomeje kuzamuka nyuma y’uko mu masaha 24 ashize hapfuye bane, bituma bose hamwe baba 31.

Ihuriro ry’Abaganga muri Kenya, kuri uyu wa Gatandatu, ryatangaje ko ari umunsi ubabaje cyane ku mwuga w’ubuvuzi muri icyo gihugu, ubwo byatangazwaga ko abaganga bane bapfuye bazize COVID-19.

Imibare itangwa n’amahuriro y’abakora mu mwuga w’ubuvuzi igaragaza ko abaganga basaga 800, abaforomo 600 n’abandi 320 bakora kwa muganga bamaze kwandura, nk’uko ikinyamakuru Nation cyabitangaje.

Mu bapfuye harimo abaforomo 15 n’abaganga batandatu, ndetse harimo benshi barembye barimo no kongererwa umwuka. Muri rusange kuva iki cyorezo cyagera muri Kenya muri Werurwe uyu mwaka, abamaze gupfa bakora mu nzego z’ubuzima ni 31.

Abamaze guhitanwa na COVID-19 muri Kenya bose ni 1249 barimo 21 bapfuye kuri uyu wa Gatandatu, mu bantu 69.273 bamaze kwandura. Abamaze gukira ni 45.414.

Abaganga bapfuye kuri uyu wa Gatandatu ni Emarah Ashraf, Hudson Alumera, Jackline Njoroge na Faith Kanjiru Mbuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .