Kenya: Abaganga bariye karungu kubera bagenzi babo 10 bishwe na Covid-19

Yanditswe na IGIHE
Kuya 16 Ugushyingo 2020 saa 09:29
Yasuwe :
0 0

Uruganga rw’abaganga muri Kenya rwandikiye guverinoma ruyibwira ko nitagira icyo ikora mu minsi 21 ruzategura imyigaragambyo. Ni nyuma y’uko bagenzi babo 10 bishwe n’icyorezo cya Covid-19 mu minsi ine ishize, muri aba harimo bane bapfuye ku wa Gatanu.

Aba baganga bashinja Guverinoma kuba ibashyira mu byago byo kwandura Covid-19.

Umuyobozi w’agateganyo w’iri huriro, Mwachonda Chibanzi, yavuze ko batazahagarika iyi myigaragambyo kugeza igihe guverinoma ibakoreye ibyo bifuza.

Aba baganga bashaka ko Guverinoma ibaha ibikoresho byo kubarinda byizewe, ibi bigakorwa ku bo mu bitaro byigenga n’ibya leta kandi bose ikabaha n’ubwishingizi bw’ubuzima.

Mwachonda Chibanzi yavuze ko muri iyi minsi 21 biteguye ibiganiro ko ariko nihatagira igikorwa bazigaragambya.

Ati “Twiteguye kwitabira ibiganiro muri ibyo byumweru bitatu, nibidakunda nta yandi mahitamo tuzaba dufite uretse gukangurira abanyamuryango bacu gukora imyigaragambyo mu gihugu hose.”

Minisitiri w’Ubuzima muri iki gihugu, Mutahi Kagwe, yavuze ko kuri uyu wa Mbere hateganyijwe inama igamije kurebera hamwe impamvu ubwandu bwa Covid-19 bukomeje kwiyongera mu bakozi bo mu nzego z’ubuzima. Kugeza ubu muri Kenya abamaze kwandura iki cyorezo barenga ibihumbi 70 mu gihe abo kimaze guhitana barenga 1200.

Abaganga muri Kenya bandikiye Guverinoma bavuga ko bazigaragambya nihatagira igikorwa ngo bafashwe kwirinda Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .