Kenya:Abitabiriye gushyingura Arap Moi bemerewe ibiribwa n’ibinyobwa by’ubuntu

Yanditswe na IGIHE
Kuya 11 Gashyantare 2020 saa 09:43
Yasuwe :
0 0

Guverinoma ya Kenya yatangaje ko abantu ibihumbi 30 ba mbere baritabira umuhango wo gushyingura Daniel arap Moi wabaye Perezida wa kabiri w’iki gihugu bazahabwa ibiribwa n’ibinyobwa by’ubuntu.

Umuhango wo gushyingura Daniel arap Moi witabye Imana ku wa 4 Gashyantare 2020, afite imyaka 95 uteganyijwe kuri uyu wa Kabiri tariki 11 Gashyantare.

Umuhuzabikorwa w’agace ka Rift Valley, George Natembeya, yavuze ko abantu ibihumbi 30 bazahagera mbere bazasanga bateguriwe ibyicaro, bahabwe ibinyobwa byoroheje, amazi n’ibiribwa bikoze mu ngano n’imigati n’ibindi ariko ntiyasobanura impamvu yabyo.

Yasobanuye ko abandi baza nyuma baremererwa kwinjira mu rugo ariko nta myanya yo kwicaramo bazabona cyangwa ibiribwa n’ibinyobwa nk’ibiragenerwa abarahagera mbere.

Uretse ibyo biribwa n’ibinyobwa, biteganyijwe ko bazanahabwa imodoka zo kubagezayo zibakuye mu mujyi wa Nakuru.

Bamwe mu bakoresha imbuga nkoranyambaga bavuze ko Guverinoma yagize ubwoba bw’uko umuhango wo gushyingura Moi ushobora kutitabirwa ku kigero gito akaba ariyo mpamvu ishaka guha ruswa abatagira akazi kugira ngo bitabire.

Umurambo wa Moi wavanywe muri Perezidansi ya Kenya mu gitondo cyo kuri uyu wa Kabiri, ujyanwa muri stade ya Nyayo gusezerwaho bwa nyuma.

Daniel arap Moi yayoboye Kenya guhera mu 1978 kugeza mu 2002.

Daniel Arap Moi azashyingurwa kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .