00:00:00 IGIHE NETWORK KN KINYARWANDA EN ENGLISH FR FRANCAIS

Ssekitoleko wari watorotse Imikino Olempike yagejejwe muri Uganda ahita afungwa

Yanditswe na Bukuru JC
Kuya 24 Nyakanga 2021 saa 01:59
Yasuwe :
0 0

Umukinnyi wa Uganda uterura ibiremereye wari watorotse ubwo yitabiraga Imikino Olempike iri kubera mu Buyapani, yasubijwe mu gihugu cye mu gitondo cyo ku wa Gatanu tariki ya 23 Nyakanga 2021, akigera ku kibuga cy’indege cya Entebbe, ahita afungwa.

Abari bagiye kumwakira barimo nyina n’umugore we ntibagize amahirwe yo kumubona kuko Polisi yahise imuta muri yombi nk’uko BBC yabitangaje.

Minisiteri y’Ububanyi n’Amahanga yatangaje ko uyu mukinnyi agiye kugororwa akazabona gukomeza umwuga we, kuko imyitwarire nk’iyo yagaragaje igira ingaruka no ku bandi bakinnyi n’igihugu muri rusange.

Ku wa 16 Nyakanga 2021 ni bwo Julius Ssekitoleko yaburiwe irengero ubwo yari mu mwiherero w’abitegura Imikino Olempike. Uyu mugabo mbere yo gutoroka yasize inyandiko ivuga ko ashaka kuguma mu Buyapani kuko ubuzima bwo muri Uganda bukomeye.

Nyuma y’itoroka rye, Leta ya Uganda yasabye imbabazi u Buyapani ivuga ko umukinnyi wayo yitwaye mu buryo budakwiye ndetse yizeza ubufatanye mu kumuhigira hasi no hejuru.

Julius Ssekitoleko yamaze gusubizwa mu gihugu cye ariko ahita afungwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .