Islamic State yigambye igitero cy’iterabwoba muri RDC

Yanditswe na Habimana James
Kuya 19 Mata 2019 saa 04:31
Yasuwe :
0 0

Abantu batatu barimo abasirikare babiri ba leta baguye mu kurasana hafi y’Umujyi wa Beni muri Repubulika Iharanira Demokarasi ya Congo, umutwe w’iterabwoba wa ISIS ukaba watangaje ko ariwo uri inyuma y’iki gitero.

Abasirikare babiri ba leta n’umusivile umwe nibo ngo baguye mu kurasana kwabaye kuwa 16 Mata mu gace ka Beni hafi n’umupaka wa Uganda.

Uyu mutwe watangaje kuri uyu wa Kane ko iki ari igitero cyawo cya mbere ugabye muri Congo-Kinshasa.

Ni igitero cyabaye kuri uyu wa Kabiri ahantu hakunze kurangwa imitwe myinshi yitwaje intwaro hakaba haranibasiwe n’icyorezo cya Ebola, kimaze guhitana abarenga 700.

Aljazeera yatangaje ko amakuru uyu mutwe wacishije ku mu kinyamakuru Amaq ataremezwa niba ari ukuri.

Nubwo leta ivuga ko yapfushije abasirikare babiri, uyu mutwe wo watangaje ko wishe abasirikare batanu ba leta abandi batatu barakomereka.

David Moaze umuyobozi w’umuryango utegamiye kuri leta muri Congo yavuze ko ingabo zo mu mutwe wa ADF arizo zishe aba basirikare, gusa ADF ngo isanzwe ifitanye imikoranire na ISIS, umutwe ukorera mu bihugu bya Irak na Syria.

Uyu mutwe wa ISIS ufitanye ubufatanye kandi n’indi mitwe y’iterabwoba nka Boko-Haram wo muri Nigeria, Al Shabaab wo muri Somalia n’indi.

Mu bihugu ukoreramo uzwiho kwibasira ibikorwa bya leta, ahateraniye abasivile benshi, ingabo z’igihugu, ibi bakabikora biturikijeho ibisasu, kubitega mu modoka n’ibindi.

Mu bihugu ISIS ikoreramo abasivile n'abasirikare bakunze kwibasirwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza