Isaac Zida wayoboye Burkina Faso ibyumweru bitatu arashaka kwiyamamariza kuba Perezida

Yanditswe na Bukuru JC
Kuya 16 Gashyantare 2020 saa 02:13
Yasuwe :
0 0

Lieutenant-colonel Isaac Zida wayoboye Burkina Faso ibyumweru bitatu nyuma y’iyegura rya Blaise Compaoré mu 2014, yatanzwe n’ishyaka rya Mouvement patriotique pour le salut (MPS) kuzarihagararira mu matora ya Perezida azaba uyu mwaka.

Isaac Zida yatoranyijwe kuri uyu wa Gatandatu , atoranywa ari muri Canada aho yagiye mu 2016.

Ishyaka ryamuhisemo nyuma yo gusuzuma, ngo rigasanga yujuje ibisabwa byose ngo arihagararire.

Perezida wa MPS, Augustin Loada yagize ati “Urebye ikibazo cy’umutekano muke kiri mu gihugu, ishyaka MPS ryizera ko ari we muntu ufite ubushobozi bwo kuvana igihugu mu bibazo kirimo akagiha umurongo.”

Yacouba Isaac Zida, nyuma y’ihirima ry’ubutegetsi bwa Compaore niwe wafatwaga nka Perezida kugeza tariki 17 Ugushyingo 2014, amaze ibyumweru hafi bitatu afite ubutegetsi.

Nyuma yo kotswa igitutu, asabwa guha ubutegetsi abasivile, Zida yatanze ubutegetsi abuha Michel Kafando ngo ayobore inzibacyuho, nyuma Zida agirwa Minisitiri w’Intebe muri Guverinoma y’inzibacyuho.

Nyuma y’inzibacyuho, Isaac Zida yahise asanga umuryango we muri Canada. Amaze kujya muri Canada, igisirikare cyatangaje ko yatorotse kandi igihugu kiri mu bihe by’amahoro ku buryo agarutse yajyanwa mu nkiko za gisirikare.

Umwanya wo gusimbura Roch Marc Christian Kaboré uri guhatanirwa na benshi barimo abahoze bakomeye muri Leta ya Blaise Compaoré nka Kadré Désiré Ouédraogo na Gilbert Noël Ouédraogo.

Isaac Zida wayoboye Burkina Faso ibyumweru bitatu arashaka kwiyamamariza kuba Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .