Aba barwanyi bambuwe n’intwaro zitandukanye mu Karere ka Garissa nk’uko inkuru ya Aljazeera ibivuga. Binjiye muri Kenya mu myaka ishize mu rwego rwo gushyira igitutu kuri iki gihugu ngo kivane ingabo zacyo mu butumwa bwa Afurika Yunze Ubumwe muri Somalia.

Al-Shabab yagabye ibitero byinshi ku bigo by’inzego zishinzwe umutekano, amashuri, ibinyabiziga, imijyi n’ibikorwaremezo by’itumanaho mu Burasirazuba bwa Kenya uretse ko ubukana n’ubwinshi bwabyo bigenda bicika intege muri iyi myaka ya vuba.

Mu 2013 igitero cyagabwe ku iguriro rya Westgate mu Mujyi wa Nairobi cyahitanye abantu 67. Mu cyumweru gishize aba barwanyi bishe abakozi bane ubwo imodoka yabo yaterwaga bombe mu gace ka Garissa. Ku wa Kabiri, umuntu umwe yishwe na gerenade muri ako gace nk’uko polisi yabitangaje.