Inyubako yabagamo umuryango wa Mugabe wayoboraga Zimbabwe yagurishijwe ihombejwe

Yanditswe na Evariste Nsengimana
Kuya 9 Mutarama 2019 saa 08:39
Yasuwe :
0 0

Inyubako yabagamo umugore n’umukobwa ba Robert Mugabe, wahoze ari Perezida wa Zimbabwe, yagurishijwe ihombejweho 15% ku mafaranga yaguzwe.

Iyi nyubako iherereye Hong Kong mu Bushinwa, yagurishijwe amadolari y’Amerika miliyoni 4,3 mu gihe mu 2008 yari yaraguzwe miliyoni 5,6 z’amadolari. Gusa nta mwirondoro w’uwayiguze watangajwe ariko ngo ni umunyamahanga utaba muri Hong Kong.

Umwe mu bayigushije witwa Thomas Lo, yatangarije ikinyamakuru South China Morning Post ko ‘Igihombo yagurishijweho kidasanzwe’.

Iyo nyubako bivugwa ko ari umutungo wa Robert Mugabe ariko nyirayo mu rwego rw’amategeko ntavugwaho rumwe ndetse ikirego kuri nyirayo w’ukuri kiri mu Rukiko Rukuru rwa Hong Kong.

Mu 2008 iyi nyubako iri ku buso bwa metero kare 256.50529 yaguzwe n’ikigo kitwa Cross Global, nyuma y’imyaka ibiri igurishwa n’umunyamigabane munini w’iki kigo Hsieh Ping Sung.

Umunya-Taiwan, Hsieh Ping Sung uzwi nka Jack Ping, uba muri Afurika y’Epfo, ni inshuti ya hafi ya Mugabe.

Leta ya Zimbabwe iheruka kuregera Urukiko rwo muri Hong Kong uyu mucuruzi n’icyo kigo, ivuga ko harimo amanyanga, inyubako ari iyayo ahubwo Ping yari ayiragiye kubera icyizere yagiriwe.

Grace Mugabe n’umukobwa we Bona, babaye muri iyi nyubako guhera mu 2008, ubwo uyu mukobwa yari agiye kwiga muri Kaminuza yo muri Hong Kong.

Iyi nzu bikekwa ko ari iya Robert Mugabe yagurishijwe ihombejweho 15%
Iyo nzu bivugwa ko ari iya Perezida mugabe nubwo bikiri mu rujijo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza