00:00:00 IGIHE NETWORK KN KINYARWANDA EN ENGLISH FR FRANCAIS

Inyeshyamba zo muri Centrafrique zisutse muri RDC ku bwinshi

Yanditswe na Jean de Dieu Tuyizere
Kuya 3 June 2024 saa 01:15
Yasuwe :

Abarwanyi b’imitwe yitwaje intwaro irwanya ubutegetsi bwa Repubulika ya Centrafrique bahungiye ku bwinshi muri teritwari ya Ango na Bondo, intara ya Bas-Uele muri Repubulika Iharanira Demokarasi ya Congo.

Umuyobozi wa teritwari ya Ango, Marcelin Mazale Lekabusiya, yatangaje ko izi nyeshyamba zimaze hafi ibyumweru bibiri ziva mu turere twa Zemio na Mboki, aho ziri guhigwa n’ingabo za Centrafrique n’iz’u Burusiya.

Yagize ati “Inyeshyamba zo muri Centrafrique zinjiye ku butaka bwacu zivuye muri Zemio. Zimwe zinjiriye ku mupaka wa Congo na Centrafrique muri teritwari ya Ango, izindi zinjirira muri teritwari ya Bondo. Mu minsi mike ishize, Abarusiya n’ingabo zirwanaho bemeranyije kurwanya izi nyeshyamba zikorera muri Zemio na Mbokia.”

Mazale yatangahe ko ko izi nyeshyamba zahungabanyije bikomeye umutekano wo muri izi teritwari, kuko ngo abazituyemo batewe ubwoba n’imbunda ziri kwinjirana.

Yagize ati “Umutekano wahungabanye cyane muri Ango na Bondo, abaturage bafite ubwoba kuko iyo inyeshyamba zambuka, ziba zifite amasasu n’imbunda mu ntoki.”

Ikinyamakuru Actualité cyatangaje ko muri Werurwe 2024 inyeshyamba zaturutse muri Centrafrique zinjiye muri izi teritwari, zishimuta abaturage, zisahura imiti mu mavuriro, zangiza n’ibindi bikorwa by’abaturage.

Inyeshyamba zo muri Centrafrique zimaze iminsi zinjira muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .