Intambara y’amagambo hagati ya Bobi Wine n’umuhungu wa Museveni, yamubwiye ko amapeti afite ari ‘impano ya se’

Yanditswe na Bukuru JC
Kuya 31 Ukuboza 2020 saa 02:22
Yasuwe :
0 0

Intambara y’amagambo hagati ya Robert Kyagulanyi uzwi nka Bobi Wine n’Umuhungu wa Perezida Museveni, Lt Gen Muhoozi Kainerugaba akomeje gufata indi ntera, aho uyu mudepite uri mu bahatanira kwiyamamariza kuyobora Uganda yamubwiye ko amapeti afite yayahawe na se nk’impano.

Robert Kyagulanyi na Lt Gen Muhoozi Kainerugaba basanzwe baterana amagambo ahanini babinyujije kuri Twitter, gusa muri iyi minsi bigenda bifata indi ntera kuko nta munsi wirenga umwe atagaragaje ko anenga ibikorwa by’undi.

Uku guterana amagambo kwakuruwe n’ubutumwa Lt Gen Muhoozi Kainerugaba yashyize kuri Twitter yibaza impamvu Robert Kyagulanyi ajya agaragara mu bikorwa byo kwiyamamaza yambaye imyenda ijya kumera nk’iya gisirikare kandi atari we.

Ubu butumwa Muhoozi yari yashyize kuri Twitter yaje kubusiba nyuma y’amasaha make.

Bwagiraga buti “Oh nshuti Bobi wanjye! Kuki yambaye umutuku kuva ku ijosi kugera ku ino ? kugerageza kuba umusirikare nta myitozo na mike. Hagire ubwira uyu murumuna wanjye muto ko tuzamutsinda bikomeye mu matora.”

Aya magambo ya Lt Gen Muhoozi Kainerugaba yazamuye uburakari bwa Robert Kyagulanyi maze nawe abinyujije kuri Twitter ati “Ubutumwa buturutse kwa Muhoozi Kainerugaba, umuhungu w’umunyagitugu Museveni! Museveni yamuhaye impano y’ipeti rya Lt. General! Ndacyeka yabisibye ( aya magambo yari yanditse) nyuma yo kubyuka avuye mu isindwe! Nabonye abenshi mu banya-Uganda bamujora banamuseka, ariko bikwiye kuduhangayikisha, iri niryo tsinda rifite imbunda rishinzwe umutekano wacu!"

Yakomeje ati “Igisebo gikomeye ku gihugu cyacu ni uko wambaye impuzankano yacu! Ni ikimwaro ku bagabo n’abagore biyubashye bambaye impuzankano zacu bakora cyane kugira ngo barinde igihugu. Abanyabyaha mu kangurira kwica no gukorera iyicarubozo abaturage ntibazabatabara wowe na so igihe abaturage bazaba bahagurutse ngo birwaneho.”

Robert Kyagulanyi na Lt Gen Muhoozi Kainerugaba bateranya amagambo karahava

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .