Ingabo za Ethiopia zatangiye kwigarurira uduce two mu Ntara ya Tigray

Yanditswe na Umwali Zhuri
Kuya 28 Ugushyingo 2020 saa 02:41
Yasuwe :
0 0

Ingabo za Ethiopia zatangaje ko zamaze gufata imijyi itandukanye iri mu Majyaruguru y’Agace ka Tigray ndetse ko ziri gusatira kugafata kose mu gikorwa kigamije gushyira iherezo ku ntambara imaze iminsi muri iki gihugu.

Ingabo z’iki gihugu zimaze iminsi mu bushyamirane hagati yazo n’Ishyaka rya Tigray People’s Liberation Front (TPLF)

Lieutenant-General Hassan Ibrahim yatangaje ko ingabo zafashe agace ka Wikro kari mu Majyaruguru ya Mekelle, Umurwa Mukuru wa Tigray, kiyongereye ku yindi mijyi imaze gufatwa.

Bibaye nyuma y’aho Guverinoma ya Ethiopia itangaje ko igiye kugaba ibitero bya nyuma byo kwigarurira Tigray.

Amagana y’abaturage bivugwa ko amaze kugwa muri iyi mirwano mu gihe abandi benshi na bo bavuye mu byabo.

Kubona amakuru y’iyi mirwano bikomeje kuba ingorabahizi kuko ikoranabuhanga ryose mu gihugu rirafunze, imirongo ya telefoni ntiri gukora ndetse na internet yakuweho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .