00:00:00 IGIHE NETWORK KN KINYARWANDA EN ENGLISH FR FRANCAIS

Ingabo z’u Bufaransa ziri muri Burkina Faso zishobora guhambirizwa

Yanditswe na IGIHE
Kuya 22 Mutarama 2023 saa 08:10
Yasuwe :

Guverinoma ya Burkina Faso yasabye abayobozi b’u Bufaransa gukura ingabo zabwo muri iki gihugu, mu gihe kitarenze ukwezi kumwe.

Nubwo nta tangazo rirasohorwa, Ibiro Ntaramakuru bya Burkina Faso byatangaje ko iki cyemezo cyafashwe muri iki cyumweru kandi Ingabo z’u Bufaransa zikwiriye kucyubahiriza bitarenze ukwezi kumwe.

Kuva Captain Ibrahim Traoré yahirika ubutegetsi ku wa 30 Nzeri mu 2022, umubano wa Burkina Faso n’u Bufaransa ntiwifashe neza cyane ko iki gihugu cyakunze kugaragaza ko kitemera ubuyobozi bw’uyu mugabo.

Ubwo yafataga ubutegetsi, abari bamushyigikiye bigaragambirije kuri ambasade y’u Bufaransa i Ouagadougou, ndetse batera n’ishuri ryabwo mu buryo bagaragazaga ko batagishaka na busa imikoranire n’iki gihugu ubu kiyobowe na Emmanuel Macron.

Burkina Faso ifashe iki cyemezo nyuma y’iminsi mike n’ubundi yandikiye Minisiteri y’Ububanyi n’Amahanga y’u Bufaransa (Quai d’Orsay) iyisaba guhindura ambasaderi wayo.

Kugeza ubu muri Burkina Faso hari Ingabo z’u Bufaransa zibarizwa mu mutwe udasanzwe, zigera kuri 400. Zageze muri iki gihugu mu butumwa bwo kurwanya iterabwoba.

Ingabo z’u Bufaransa ziri muri Burkina Faso zishobora guhambirizwa utwazo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .