Indege y’igisirikare cya Congo itwara ibikoresho bya Perezida yaburiwe irengero

Yanditswe na Ferdinand Maniraguha
Kuya 11 Ukwakira 2019 saa 09:40
Yasuwe :
0 0

Indege y’igisirikare cya Repubulika Iharanira Demokarasi ya Congo, itwara ibikoresho bya Perezida yaburiwe irengero nyuma y’iminota mike ihagurutse i Goma yerekeza i Kinshasa.

Iyo ndeye yo mu bwoko bwa antonov 72 yari itwaye ibikoresho byifashishijwe mu ruzinduko Perezida Felix Tshiesekedi aherutse kugirira mu burasirazuba bw’igihugu mu ntara za Kivu zombi.

Ikinyamakuru Actualité cyatangaje ko indege yatakaje itumanaho n’abagenzura indege ku kibuga cy’indege ubwo yari imaze iminota 59 ihagurutse.

Yari irimo abagenzi bane n’abashinzwe kuyitwara bane. Yahagurutse i Goma ahagana saa munani n’igice kuri uyu wa Kane, byari biteganyijwe ko igera i Kinshasa saa kumi n’imwe n’igice z’umugoroba.

Ubuyobozi bw’indege za gisivile muri Congo bwasohoye itangazo buvuga ko iyo ndege ikimara kubura, bashakishije amakuru yose ku minara y’indege iri mu nzira indege yagombaga gucamo ariko bagakomeza kuyibura.

Batangaje ko bagikomeje gushakisha ngo bamenye irengero ry’iyo ndege.

Perezida Tshisekedi yari amaze iminsi itatu mu Ntara ya Kivu y’Amajyepfo n’iy’Amajyaruguru, akaba yarasoje uruzinduko rwe kuri uyu wa Kane. Yageze i Kinshasa ku mugoroba wo kuri uyu wa Kane.

Indege yabuze imaze iminota 59 ihagurutse

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza