Impanuka y’ubwato mu kiyaga cya Kivu yahitanye batatu abarenga 100 baburirwa irengero

Yanditswe na IGIHE
Kuya 17 Mata 2019 saa 11:06
Yasuwe :
0 0

Ubwato bwavaga Kituku muri Kivu y’Amajyaruguru bwekeza muri Komine Mbinga muri Repubulika iharanira Demokarasi ya Congo, bwakoreye impanuka mu kiyaga cya Kivu, ihitana abantu batatu, 33 bararokoka, abandi barenga 100 baburirwa irengero.

Iyi mpanuka yabaye kuri uyu wa Mbere taliki ya 15 Mata 2019. Nk’uko Radio Okapi yabitangaje, abantu barenga 100 bari muri ubu bwato ntibaraboneka n’ibicuruzwa bwari buhetse byaburiwe irengero.

Abatangabuhamya batuye aho iyo mpanuka yabereye bavuze ko ubu bwato bwari butwaye abantu barenga 150 nk’uko umuyobozi wa Sosiyete Sivile muri Komine Mbinga, Bulimbi Delphine yabitangaje.

Ati “Ubwato bwari butwaye abantu barenga 150, aho twa turi Kasunyu, twahasanze 33 barokotse n’imirambo itatu. Twasabye inzego zishinzwe umutekano wo mu mazi gucunga ingendo zo mu kiyaga mu kwirinda ubwato batwara abarenze ubushobozi bwabwo.”

Yavuze ko iyo mpanuka yatewe ahanini n’uko ubwato bwari bupakiye cyane kandi no mu mazi harimo imiyaga ifite ubukana.

Abaturage bo muri Komine Mbinga yabereyemo impanuka bakomeje bikorwa byo gushakisha abantu bataraboneka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza