Imodoka za PAM zari zijyanye ibiryo i Burundi zibivanye mu Rwanda zahejejwe ku mupaka

Yanditswe na IGIHE
Kuya 22 Mata 2017 saa 10:05
Yasuwe :
0 0

Ishami ry’Umuryango w’Abibimbye rishinzwe ibiribwa, PAM, ryatangaje ko imodoka zari zipakiye ibigori n’ibindi byari byaguzwe mu Rwanda kugirango bihabwe Abarundi 112,000 bafite inzara zabujijwe kwinjira muri iki gihugu.

Umuvugizi wa PAM, Challiss McDonough, kuri uyu wa Gatanu yatangaje ko kubuza izi modoka kwinjira zijyanye ibiribwa bishobora kuba byakozwe kubera kwitiranya ibintu.

Umuvugizi wa Polisi mu Burundi, Pierre Nkurikiye, nawe yemeje aya makuru avuga ko izi modoka zavaga mu Rwanda zangiwe kwinjira mu gihugu ndetse ubu ziparitse ahitwa Gasenyi.

PAM ivuga ko abarenga icya kabiri cy’Abarundi bafite ikibazo cy’imirire mibi ndetse umusaruro ungana na 2/3 by’ibyo abaturage binjiza wose utangwa ku biryo.

Ku rundi ruhande, amakuru avuga ko u Burundi bwanze ko ibi bigori byinjizwa mu gihugu bitewe n’uko byakuwe mu Rwanda; igihugu bumaze igihe butavuga rumwe nacyo kuva muri Mata 2015.

Mu Burundi hari ikibazo gikomeye cy’ibura ry’ibiribwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .