Imodoka ya Bobi Wine yarashwe na Polisi ahita ahagarika ibikorwa byo kwiyamamaza

Yanditswe na Bukuru JC
Kuya 1 Ukuboza 2020 saa 04:32
Yasuwe :
0 0

Robert Kyagulanyi wamenyekanye nka Bobi Wine muri muzika uri kwiyamamariza umwanya w’Umukuru w’Igihugu muri Uganda, yasubitse ibikorwa bye byo kugeza imigabo n’imigambi ku baturage nyuma y’aho imodoka ye irashwe na Polisi.

Muri Uganda ntibukikera kuko muri ibi bihe byo kwiyamamaza, imvururu ziba umusubirizo umunsi ku wundi. Mu gitondo cyo kuri uyu wa Kabiri habaye imvururu zashyamiranyije abashyigikiye Bobi Wine n’abashinzwe umutekano ndetse umwe mu bapolisi bashinzwe kurinda umutekano we arakomekera.

Benshi mu bashyigikiye Bobi Wine bakomeretse bajyanwa mu bitaro. Hari nyuma y’aho abashinzwe umutekano bateraga imyuka iryana mu maso mu gutatanya abamushyigikiye. Umupolisi umwe umurinda, yakomerekeye muri izo mvururu ahita ajyanwa mu bitaro.

Nyuma y’aho abashinzwe umutekano barashe ku modoka ya Bobi Wine, imeneka ikirahure ndetse bayipfumura n’amapine.

Uyu mugabo yahise atangaza ko ahagaritse ibikorwa bye byo kwiyamamaza kuri uyu munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .