00:00:00 IGIHE NETWORK KN KINYARWANDA EN ENGLISH FR FRANCAIS

Imbonerakure zasakiranye na Red Tabara mu mashyamba ya RDC

Yanditswe na IGIHE
Kuya 5 August 2022 saa 12:39
Yasuwe :

Umutwe witwara gisirikare ugizwe n’urubyiruko rwo mu ishyaka riri ku butegetsi mu Burundi, Imbonerakure, wasakiranye n’inyeshyamba zirwanya ubutegetsi bw’iki gihugu (Red Tabara) aho wigaruriye agace ka Birimba muri Kivu y’Amajyepfo.

Ako gace kafashwe n’Imbonerakure ku wa Gatatu nyuma y’imirwano ikaze yabereye mu ishyamba rya Itombwe muri teritwaro ya Mwenga.

Sosiyete sivile muri ako gace yatangaje ko iyo mirwano yatangiye mu gitondo igeza ku mugoroba ihoshwa n’uko Red Tabara yakuwe mu birindiro byayo ikerekeza mu duce turimo akitwa Kaboke.

Muri iyo mirwano yakoreshejwemo intwaro zikomeye n’iziciriritse haguyemo inyeshyamba 12 za Red Tabara na 24 bakomeretse. Yatumye abaturage batuye mu gace yabereyemo n’abo mu zindi teritwari byegeranye batahwa n’ubwoba.

Umuyobozi wa batayo ya 121 mu ngabo za Repubulika Iharanira Demokarasi ya Congo I Mikenge hamwe n’umuvugizi w’ibikorwa bya gisirikare byiswe Sokala 2 bemeje iyo mirwano nubwo nta makuru arambuye batanze nk’uko Radio Okapi yabitangaje.

Indi mirwano hagati y’Imbonerakure na Red Tabara yabereye mu bice bya Chanzovu na Rubuga mu Burengerazuba bwa Kahololo.

Imbonerakure zigizwe n’urubyiruko rwo mu ishyaka riri ku butegetsi mu Burundi (CNDD FDD) mu gihe Red Tabara igizwe na bamwe mu bagerageje guhirika ubutegetsi bwa Pierre Nkurunziza ubwo yari akiyobora iki gihugu mu 2015.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .