Sosiyete Sivile yasabye igisirikare gushakisha abagize Mai-Mai bose bakomeje guhungabanya umutekano w’abaturage bo mu karere, naho uruhande rw’ingabo za RDC rwo rusaba uyu mutwe gushyira intwaro hasi ukayoboka ibiganiro by’amahoro.

Umuvugizi w’Ingabo muri Operasiyo ya Sokola 1, Antony Mwalushayi, yavuze ko FARDC yatangiye gushyira mu bikorwa ubusabe bwa Sosiyete Sivile mu rwego rwo kugarura umutekano muri ako karere.

Yagize ati “Nk’igisirikare twatangiye gukurikiza iki cyifuzo cya sosiyete sivile, cyo kugira ngo turusheho guha umutekano abaturage, tubahaye gasopo, tuzakubita inshuro abo bose bitwaje intwaro. Ubu abo dushimira ni bamwe ba Mai-Mai bemeye gushyira intwaro hasi bakayoboka inzira y’amahoro, ariko abo bakiri mu mashyamba bose tuzabakubita ahababaza, kandi iyo ni yo ntego yacu, kubahashya tukagarura amahoro.”

Yongeyeho ati “Turatekereza ko Mai-Mai y’Abanye-Congo, bazageraho batekereze neza. Batandukanye na ADF y’abanyamahanga, rero niba ushaka kuba mu ngabo ntabwo ubibujijwe, ariko ugomba gukurikiza umurongo nyawo wagenwe wo kukijyamo.”

Ibirindiro bya Senga by’Ingabo za Repubulika Iharanira Demokarasi ya Congo (FARDC) muri Beni byagabweho igitero n’abitwaje intwaro