Ibihugu 10 birimo n’u Rwanda byihariye 80% by’umubare wose w’abapimwe Covid-19 ku mugabane wa Afurika

Yanditswe na Iradukunda Serge
Kuya 8 Kanama 2020 saa 09:52
Yasuwe :
0 0

Nubwo umubare w’abandura Covid-19 ku mugabane wa Afurika ugenda wiyongera umunsi ku munsi, Ikigo Nyafurika gishinzwe kurwanya no gukumira indwara, Africa CDC kigaragaza ko umubare w’ibipimo bifatwa kuri uyu mugabane ukiri hasi dore ko ibihugu 10 byonyine birimo n’u Rwanda byihariye 80% by’abanyafurika bose bapimwe covid-19.

Africa CDC ivuga ko mu baturage ba Afurika barenga miliyari, abamaze gupimwa Covid-19 ari miliyoni icyenda gusa, kandi nabo biganje mu bihugu bike birimo u Rwanda rwamaze gufata ibipimo 289,153 byasize byemeje ko abagera ku 2128 banduye Covid-19, Afurika y’Epfo, Nigeria, Ghana, Maroc, kenya, Ethiopia, Uganda, Ibirwa bya Maurice na Misiri.

Kuba ubushobozi bwo gupima abantu benshi bukiri hasi, nibyo uyu muryango uheraho uvuga ko n’umubare w’abanduye iki cyorezo muri Afurika ushobora kuba urenga uwo ubuyobozi butangaza.

Impamvu iki kigo gitangaza zituma ibipimo bikiri hasi ku mugabane wa Afurika harimo ubukene bwa guverinoma zimwe na zimwe, ibibazo by’umutekano muke ndetse na zimwe muri guverinoma z’ibihugu zinangira zikanga kwishyira ku karubanda.

Africa CDC itangaje ibijyanye n’umubare w’ibipimo bito bifatwa muri Afurika, mu gihe hashize iminsi mike umubare w’abanduye icyorezo cya Covid-19 muri Afurika urenze miliyoni imwe naho abo imaze guhitana bo bakaba bari hejuru y’ibihumbi 21.

CDC Africa iragaragaza impungenge z'uko umubare w'abapimwa Covid-19 ku mugabane wa Afurika ukiri hasi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .