Hasabwe iperereza ku buriganya buvugwa mu matora ya Uganda

Yanditswe na Mukahirwa Diane
Kuya 20 Mutarama 2021 saa 07:04
Yasuwe :
0 0

Imiryango iharanira uburenganzira bwa muntu yo muri Kenya irasaba iyo ku rwego mpuzamahanga n’iyo mu Karere gushyiraho itsinda ryo gukemura ibibazo byabaye mu matora ya Uganda bivugwa ko yabayemo uburiganya.

Abakurikiranira hafi amatora yo muri Afurika bavuze ko niba hatabayeho gukemura ibibazo by’akarengane byagiye bigaragara mbere na nyuma y’amatora, muri iki gihugu hashobora kuba imvururu ziganisha ku guhungabanya uburenganzira bwa muntu.

Iyi mpuruza yabo ije mu gihe bivugwa ko hari abantu bagiye bafatwa bagafungwa mu buryo bunyuranyije n’amategeko.

Ikindi cyakurikiye amatora kitavuzweho rumwe ni uburyo uwari umukandida ku mwanya w’Umukuru w’Igihugu Bobi Wine utavuga rumwe n’ubutegetsi bwa Museveni, yafungiwe mu rugo iwe nyuma yo gutora.

Aya matora ataravuzweho rumwe yegukanywe na Yoweri Museveni wagiye ku butegetsi mu 1986.

Impirimbanyi z'uburenganzira bwa muntu zirahamagarira imiryango mpuzamahanga gukurikirana ibyavuye mu matora ya Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .