Guinée: Urukiko rwemeje manda ya gatatu ya Alpha Condé

Yanditswe na IGIHE
Kuya 8 Ugushyingo 2020 saa 08:24
Yasuwe :
0 0

Urukiko rurengera itegeko nshinga rwo muri Guinée Conakry rwemeje intsinzi ya Alpha Condé w’imyaka 82, mu matora y’umukuru w’igihugu yabaye ku wa 18 Ukwakira.

Mu mwanzuro watangajwe kuri uyu wa Gatandatu, Perezida w’Urukiko Rushinzwe Kurengera Itegeko Nshinga, Mohamed Lamine Bangoura, yemeje ko Condé agomba kurahirira manda y’imyaka itandatu ayobora icyo gihugu.

Urukiko rwemeje ko Condé wiyamamaje nk’umukandida w’ishyaka RPG Arc-en-ciel riri ku butegetsi, yatsinze amatora ku majwi 59.50%, mu gihe Cellou Dalein Diallo wari uhagaragariye ishyaka Union des forces démocratiques de Guinée (UFDG), yagize 33,49%.

Umubare w’abitabiriye amatora ya perezida wageze kuri 78.88%, mu gihe abakandida bari 12.

Nk’uko biteganywa n’Itegeko Nshinga ryavuguruwe binyuze muri kamarampaka itaravuzweho rumwe yo ku wa 22 Werurwe 2020, Perezida wa Repubulika atorwa muri manda y’imyaka itandatu ishobora kongerwa rimwe gusa.

Nimu gihe Itegeko Nshinga ryabanje, ryemejwe mu 2010, ryateganyaga ko perezida atorerwa manda y’imyaka itanu, ishobora kongerwa rimwe gusa.

Urukiko rwemeje manda ya gatatu ya Alpha Condé

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .