Guinée équatoriale: Minisitiri w’Intebe na Guverinoma beguye kubera kunanirwa guhangana na Coronavirus

Yanditswe na IGIHE
Kuya 16 Kanama 2020 saa 03:37
Yasuwe :
0 0

Francisco Pascual Obama Asue wari Minisitiri w’Intebe wa Guinée équatoriale na Guverinoma ye bashyikirije ubwegure bwabo Perezida Teodoro Obiang nyuma yo kunanirwa guhashya icyorezo cya Coronavirus n’ingaruka zacyo mu gihugu.

Kuwa Gatanu w’iki cyumweru nibwo Pascual Obama Asue na Guverinoma ye batanze ubwegure bwabo.

Igihugu cya Guinée équatoriale gikungahaye kuri peteroli kiri mu ihungabana rikomeye ry’ubukungu ryatewe n’ingaruka z’icyorezo cya coronavirus.

Mu itangazo rya Guverinoma ryashyizwe hanze kuwa Gatanu, rivuga ko Perezida Teodoro Obiang atishimiye imbaraga Guverinoma ya Pascual yashyize mu guhangana na coronavirus n’ingaruka zayo.

Francisco Pascual Obama Asue yabaye Minisitiri w’Intebe wa Guinée équatoriale guhera muri Kamena 2016.

Obiang, umaze imyaka isaga 40 ku butegetsi, akaba ashinjwa guhonyora uburenganzira bw’abatavuga rumwe na we.

Hari hashize iminsi bivugwa ko ubuzima bwe butifashe neza, ndetse binugwanugwa ko ashobora guhindura Guverinoma agashyiramo abantu bashya bashyigikiye umuhungu we ari na we Visi Perezida, Teodorin Obiang.

Francisco Pascual Obama Asue wari Minisitiri w’Intebe wa Guinée équatoriale na Guverinoma ye bashyikirije ubwegure bwabo Perezida Teodoro Obiang

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .