Guinée Conakry: Perezida yahawe urukingo rwa COVID-19 rwakorewe mu Burusiya

Yanditswe na Bukuru JC
Kuya 17 Mutarama 2021 saa 07:57
Yasuwe :
0 0

Perezida wa Guinée Conakry, Alpha Condé w’imyaka 82 kuri uyu wa Gatanu yahawe urukingo rwa Coronavirus rwakorewe mu Burusiya ruzwi nka Sputnik.

Ni umwe mu bakuru b’ibihugu ba mbere ku Mugabane wa Afurika bahawe urukingo rwa Coronavirus.

Alpha Condé yahawe urwo rukingo agamije gushishikariza abaturage be kuzarwemera mu rwego rwo guhashya Coronavirus.

Tariki 30 Ukuboza umwaka ushize nibwo muri icyo gihugu hatangijwe igerageza ku rukingo rwo mu Burusiya. Mu ba mbere bafashe urwo rukingo muri Guinée Conakry harimo Minisitiri w’Ingabo, Mohamed Diané.

Uretse urukingo rwo mu Burusiya, Guinée Conakry iherutse kubona amakuru ko ishobora kubona kare zimwe mu nkingo zatanzwe muri gahunda y’Umuryango Mpuzamahanga witwa ku Buzima ya Covax, yo kugeza urukingo rwa COVID-19 kuri bose.

Kugeza ubu Guinée Conakry ifite abantu basaga ibihumbi 14 banduye Coronavirus mu gihe abasaga 80 aribo bapfuye.

Conde ni umwe mu bakuru b'ibihugu bake muri Afurika bamaze guterwa urukingo rwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .