00:00:00 IGIHE NETWORK KN KINYARWANDA EN ENGLISH FR FRANCAIS

Gerenade yishe bane muri Rutshuru, ADF yica 10 muri Beni

Yanditswe na Jean de Dieu Tuyizere
Kuya 27 May 2024 saa 04:49
Yasuwe :

Abantu bane muri teritwari ya Rutshuru bishwe n’igisasu cya ‘gerenade’, abandi 10 bicwa n’umutwe w’iterabwoba wa ADF muri teritwari ya Beni, mu ntara ya Kivu y’Amajyaruguru iri mu burasirazuba bwa Repubulika Iharanira Demokarasi ya Congo

Abarwanyi ba ADF bateye agace ka Peteuri kari mu bilometero 25 ujya muri santere ya Beni ku mugoroba wo ku wa 25 Gicurasi 2024, bica batemye abaturage batandatu barimo abagore babiri.

Aba barwanyi bakomereje mu kandi gace kitwa Upende kari mu bilometero bigera kuri bine uvuye muri Peteuri, bica abaturage bane, bakomeretsa babiri.

Ntibarekeye aho kuko banatwitse inzu y’ubucuruzi n’izindi zo guturamo zigera mu 10, basahura amatungo n’indi mitungo y’abaturage. Abasirikare bari ku burinzi bahageze, basanga aba barwanyi bamaze kugenda.

Muri Rutshuru, iki gisasu cyatewe mu baturage basangiraga icyo kunywa mu gace ka Lushege gaherereye muri gurupoma ya Tongo ku mugoroba wo kuri uyu wa 26 Gicurasi 2024.

Abantu babiri bakomerekeye bikabije muri iki gitero bajyanwe mu bitaro bikuru bya Rutshuru kugira ngo bitabweho n’abaganga.

Umutekano wo muri iyi ntara ukomeje guhungabana bitewe ahanini n’uko ingabo za RDC zizwi nka FARDC zananiwe kuwurinda. Ibi bituma abarimo abarwanyi b’umutwe wa M23 bashinja Leta kunanirwa inshingano.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .