00:00:00 IGIHE NETWORK KN KINYARWANDA EN ENGLISH FR FRANCAIS

Gambie: Bazindukiye mu matora y’Umukuru w’Igihugu ya mbere kuva Jammeh avuye ku butegetsi

Yanditswe na IGIHE
Kuya 4 Ukuboza 2021 saa 04:56
Yasuwe :

Abanye-Gambia bazindukiye mu matora kuri uyu wa Gatandatu, aya mbere y’Umukuru w’Igihugu uhereye igihe Yahya Jammeh yahungiye mu 2017.

Aya matora ni nk’igipimo cya demokarasi nyuma y’ubutegetsi bwa Jammeh bwamaze imyaka 22, yagezeho nyuma ya coup d’etat yakoze mu 1994.

Jammeh yahungiye muri Guinée Equatoriale muri Mutarama 2017 hanyuma Adama Barrow aramusimbura.

Perezida Barrow w’imyaka 56 y’amavuko ubu ari kwitoza aho ahatanye n’abandi bakandida batanu.

Umunyepolitiki Ousainou Darboe ni we mukandida ufite imbaraga mu barwanya ubutegetsi.

Uyu mukambwe w’imyaka 73 ni umunyamategeko wari uhagarariye abarwanyaga ubutegetsi bwa Jammeh ndetse yiyamamaje hamwe na we inshuro nyinshi.

Yanabaye Minisitiri w’Ububanyi n’Amahanga na Visi Perezida ku butegetsi bwa Barrow mbere y’uko avaho mu 2019.

Abaturage barenga miliyoni ebyiri bemerewe gutora bizeye ko hari impinduka zishobora kuzaba ku mibereho yabo muri iki gihugu cyazahajwe n’ubukene.

Byari biteganyijwe ko amatora atangira saa mbili za mu gitondo agasozwa saa kumi n’imwe z’umugoroba.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .