François Bozizé wahoze ayobora Centrafrique agiye kwiyamamariza kuba Perezida

Yanditswe na Bukuru JC
Kuya 26 Nyakanga 2020 saa 08:50
Yasuwe :
0 0

François Bozizé wahiritswe ku butegetsi muri Centrafrique yatangaje ko agiye kongera kwiyamamaza mu matora ya Perezida ateganyijwe mu Ukuboza uyu mwaka.

Bozizé yabitangarije abayoboke b’ishyaka rye Kwa na Kwa kuri uyu wa Gatandatu mu murwa mukuru wa Bangui.

Uyu mugabo w’imyaka 73 yahiritswe ku butegetsi mu 2013, igihugu kijya mu ntambara n’ubu itararangira.

François Bozizé yabwiye abayoboke be ko igihugu aho kigeze gikeneye umuyobozi ufite ubunararibonye n’ishyaka kandi uharanira amahoro.

Bozizé yagiye ku butegetsi ahiritse ubwari buhari mu 2003. Uwo mwanya yawumazeho imyaka icumi kuko na we yabuhiritsweho mu 2013.

Ubutegetsi bushya bwamushinje ibyaha birimo ibyibasiye inyokomuntu na Jenoside ariko ntiyigeze atabwa muri yombi na nyuma yo kugaruka mu gihugu umwaka ushize.

Muri Mutarama uyu maka, François Bozizé yavuze ko azasaba Loni ikamukuriraho ibihano yamufatiye mu 2014 ashinjwa gufasha umutwe w’inyeshyamba za gikiristu ziyise Anti Balaka.

François Bozizé yavuze ko agiye kongera kwiyamamariza kuyobora Centrafrique

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .