FDLR twayiciye umutwe ubu turi guhangana n’abasigaye -FARDC

Yanditswe na IGIHE
Kuya 21 Nzeri 2019 saa 05:28
Yasuwe :
0 0

Ingabo za Repubulika Iharanira Demokarasi ya Congo (FARDC), zavuze ko nyuma yo kwica uwari umuyobozi w’umutwe w’iterabwoba wa FDLR, Gen Mudacumura Sylvestre, ibikorwa byo kurandura imitwe yitwaje intwaro muri iki gihugu bikomeje.

Kuwa gatatu, ingabo za DR Congo (FARDC) zatangaje ko zishe Gen Mudacumura, arasiwe ahitwa Bwito muri Rutshuru muri Kivu ya ruguru.

Major Guillaume Ndjike Kaiko umuvugizi w’ingabo za FARDC muri Kivu ya ruguru yabwiye BBC, ko bahawe ubutumwa bwo guhiga imitwe yose nta n’umwe basize.

Avuga ko FDLR ari kimwe n’imitwe nka ADF, Mai-Mai Mazembe, Nyatura, NDC n’iyindi iri mu burasirazuba bwa Congo.

Umutwe wa FDLR umaze imyaka irenga 20 muri ako gace, uvuga ko uharanira kuvanaho ubutegetsi buriho mu Rwanda.

Major Kaiko ati "Umva...twishe umuyobozi wabo, FDLR twayiciye umutwe ubu turi guhangana n’abasigaye, ntabwo twicaye, ingabo zikomeje guhiga imitwe yose kugeza tuyiranduye".

Mu kwezi kwa karindwi, Perezida Felix Tshisekedi ubwo yari mu ntara ya Ituri mu burasirazuba bwa Congo yavuze ko ingabo zigomba gutangira ibikorwa byo guhiga imitwe y’inyeshyamba muri aka gace.

Aha havugwa imitwe y’inyeshyamba iririmo irwanya ubutegetsi bw’u Burundi, u Rwanda na Uganda.

Nyuma y’urupfu rwa Gen Mudacumura, hari amakuru yemeza ko yasimbuwe n’uwitwa Gen Maj Pacifique Ntawunguka bita Omega usanzwe aba mu barwanyi bakuru ba FDLR.

FARDC yiyemeje kurandura imitwe y'abarwanyi iri muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza