00:00:00 IGIHE NETWORK KN KINYARWANDA EN ENGLISH FR FRANCAIS

Ethiopian Airlines yahakanye ibyo gutwara intwaro muri Tigray

Yanditswe na IGIHE
Kuya 2 Kanama 2021 saa 09:16
Yasuwe :
0 0

Sosiyete ikora ubwikorezi bwo mu kirere ya Ethiopia airlines, yatangaje ko ibyo ishinjwa byo gutwara intwaro mu ntara iri kuberamo imirwano ya Tigray ari ibinyoma.

Mu mpera z’icyumweru gishize nibwo hatangiye kumvikana amakuru avuga ko Ethiopian Airlines yaba igira uruhare mu kujyana intwaro n’abasirikare ba Leta mu kurwana mu Ntara ya Tigray.

Nyuma y’aya makuru, Ethiopian Airlines yavuze ko ibivugwa atari byo kuko ngo itanaheruka no gukorera ingendo muri Tigray ngo kuko ingendo zaho zafunzwe mu byumweru bishize kubera imvururu ziri muri aka gace.

Ku bijyanye n’amashusho yagaragaye abasirikare ba Leta basohoka mu ndege za Ethiopian Airlines, iki kigo cyavuze ari ayafashwe cyera ngo kuko idaheruka gutwara abasirikare.

Mu itangazo Ethiopian Airlines yashyize hanze yavuze ko izi neza amabwiriza y’Ikigo Mpuzamahanga gishinzwe Ingendo zo mu Kirere (IATA) kandi iyubahiriza ku buryo itajya gutwara intwaro

Yavuze ko abavuga ibi ari abashaka kuyisebya no kuyicira isura. Iti “Mu gihe ukuri guhari ari uku, abantu bamwe barashaka gusebya no kwangiza izina ryiza ry’ikigo. Bakoresheje amafoto mahimbano n’ayakera mu kutwangiriza izina. Birazwi hose ko abasirikare bambaye impuzankano bashobora gukoresha indege za gisivile ariko ibi ntibivuze ko twabatwaye aho imirwano iri kubera.”

Tigray imaze igihe iberamo imirwano ihanganishije ingabo za Leta n’iz’ishyaka rya TPLF [Tigray People’s Liberation Federation] riri ku butegetsi muri Tigray.

Ethiopia Airlines yavuze ko aya mafoto ari aya kera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .