Ethiopia: Abantu 34 biciwe mu gitero cyagabwe ku modoka itwara abagenzi

Yanditswe na IGIHE
Kuya 15 Ugushyingo 2020 saa 02:27
Yasuwe :
0 0

Abantu 34 baguye mu gitero cyagabwe n’abitwaje imbunda mu Burengerazuba bwa Ethiopia ndetse hari ubwoba ko imibare ishobora kwiyongera nk’uko byatangajwe na Komisiyo y’Uburenganzira bwa Muntu muri icyo gihugu.

Iyi komisiyo yatangaje ko abishwe baguye mu gitero cyagabwe ku modoka itwara abagenzi kuri uyu wa Gatandatu, nk’uko AFP yabyanditse.

Icyo gitero cyagabwe mu ijoro mu Gace ka Benishangul-Gumuz, kibaye mu gihe ingabo z’igihugu zihanganye n’ingabo za Leta ya Tigray zishamikiye ku Ishyaka TPLF, rishinjwa kwigomeka ku butegetsi.

Bafashwe kandi mu gihe kuri uyu wa Gatandatu, Ethiopia yatangaje ko yataye muri yombi abantu 14 bakekwaho kuba mu mitwe y’iterabwoba ya Islamic State (IS) na Al-Shabaab.

Urwego rw’Igihugu rushinzwe Umutekano n’Iperereza, NISS, rwatangaje ko bafashwe barimo gutegura ibitero byari kugabwa mu bice bitandukanye bya Ethiopia.

Uburengerazuba bwa Ethiopia bukomeje kugaragaramo umutekano muke

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .