Ethiopia: Abakoresha nabi imbuga nkoranyambaga bazajya bafungwa banacibwe $3000

Yanditswe na Bukuru JC
Kuya 13 Gashyantare 2020 saa 05:08
Yasuwe :
0 0

Inteko Ishinga Amategeko ya Ethiopia, kuri uyu wa Kane yemeje umushing w’itegeko rigena igihano cy’igifungo ku bantu bazajya bandika ku mbuga nkoranyambaga ibintu bihembera amakimbirane, ibintu Guverinoma ivuga ko bigamije kwirinda ibikorwa by’ihohoterwa mbere y’amatora.

Itegeko rishya riteganya ibihano guhera ku bihumbi 100 by’amafaranga ya Ethiopia [$3000], ndetse n’igifungo kugeza ku myaka itanu kuri buri wese uzasangiza ku mbuga nkoranyambaga cyangwa uzazirema agamije guteza imvururu cyangwa imyivumbagatanyo muri rubanda.

Abadepite 297 bari mu cyumba batoye ku bwiganze uyu mushinga w’itegeko mu gihe abagera kuri 23 batawutoye.

Depite Abebe Godebo yagize ati “Ethiopia yagizweho ingaruka n’amakuru y’ibinyoma. Igihugu ni ubutaka bw’abantu banyuranye, uyu mushinga w’itegeko uzafasha mu guhuza urwo runyurane”.

Abanze gutora uyu mushinga bavuze ko unyuranye n’uburenganzira itegeko nshinga ritanga mu bijyanye n’ubwisanzure mu gutanga ibitekerezo.

Ethiopia yagize impinduka zikomeye mu miyoborere ubwo Minisitiri w’Intebe, Dr Abiy Ahmed, mu myaka ibiri ishize yajyaga ku butegetsi.

Uyu mugabo yafunguye imfungwa za politiki n’abanyamakuru ariko agumishaho ibihano ku mitwe y’abatavuga rumwe na we. Amatora yo muri uyu mwaka rikaba ari isuzuma rikomeye ry’uko intego ze ari amavugurura mu bya politiki.

Minisitiri w'Intebe Dr Abiy afatwa nk'umuyobozi wakoze amavugurura menshi mu gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .