00:00:00 IGIHE NETWORK KN KINYARWANDA EN ENGLISH FR FRANCAIS

Ethiopia: 65% by’abarwanyi ba TPLF bamaze kwamburwa intwaro

Yanditswe na Igizeneza Jean Désiré
Kuya 5 Ukuboza 2022 saa 08:11
Yasuwe :

Mu kubahiriza amasezerano Umutwe wa TPLF wasinyanye na Ethiopia ku kugarura amahoro mu Ntara y’Amajyaruguru y’igihugu, uyu mutwe wemeje ko umaze kwambura intwaro abarwanyi bawo ku kigero cya 65%.

Ibi TPLF yabitangaje kuri uyu wa 04 Ukuboza 2022 nyuma y’aho ku itariki ya 01 Ukuboza 2022 bari bemeye ko bazashyikiriza Leta ya Ethiopie imbunda zabo nini.

Biri gukorwa nyuma y’amasezerano uyu mutwe wasinyanye na Ethiopie tariki ya 02 Ugushyingo 2022, amasezerano yasinyiwe i Pretoria muri Afurika y’Epfo, mu gushyira akadomo ku ntambara yari ishyamiranyije impande zombi mu gihe cy’Imyaka ibiri.

Bijyana kandi n’uko mu bice bitandukanye abarwanyi ba TPLF bamaze gushyirwa ahantu hamwe ndetse bemera gutanga intwaro zabo kuri leta, kugira ngo igice cy’Amajyaruguru y’igihugu cyongere kugira umutekano usesuye.

Imvururu zo muri Tigray zaguyemo abaturage benshi ndetse ababarirwa mu bihumbi bava mu byabo.

Ni intambara yatumye Tigray ituwe n’abaturage miliyoni esheshatu izahazwa n’inzara kuko imfashanyo zitabageraho kubera imvururu zarangwaga.

Politiki n’ubuyobozi bwa Ethiopia bwajemo agatotsi mu 2019, ubwo Dr Abiy Ahmed, Umunya-Oromo wabaye uwa mbere wageze ku mwanya wa Minisitiri w’Intebe, agerageje guhindura byinshi muri politiki y’iki gihugu cyari kimaze imyaka irenga 30 kiyobowe n’Abanya-Trigay ariko bakanga kwemera impinduka, bagatangira kwigumura ku butegetsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .